Aviacioni Luftarak Shqiptar

63 vjetori i Aviacionit Luftarak Sh...

Në Bazën Ajrore në Farkë u zhvillua sot ceremonia festive me rastin e 63-vjetorit të krijimit të Aviacionit Luftarak Shqiptar, sot Forca Ajrore. Në k...

Kuvendi 2

Ndryshimi i ligjit për ILDKP-në

Ndryshimi i ligjit për emërimin e kreut të ILDKP-së, që më herët propozohej nga Presidenti dhe votohej në Parlament, dhe tani ia jep këtë kompetencë v...

Henri Xhardin

Zv. Ambasadori Amerikan fushatë sen...

Ndërsa ideja  për të themeluar Ditën e Tokës ka ardhur  nga mjedisori Geilord Nelson, që më vonë do të ishte senatori amerikan i Uiskonsit i cili me a...

vlorengalart

A jemi të përgatitur për sezonin tu...

Gjithmonë kemi folur për Vlorën si mbreteresha e turizmit. E këtu nuk kuptojmë vetëm turizmin e detit dhe të rërës, por dhe atë malor, kulturor e hist...

Politike

Aviacioni Luftarak Shqiptar

63 vjetori i Aviacionit Luftarak Shqiptar

Në Bazën Ajrore në Farkë u zhvillua sot ceremonia festive me rastin e 63-vjetorit të krijimit të Aviacionit Luftarak Shqiptar, sot Forca Ajr...

Aktualitet

Aviacioni Luftarak Shqiptar

63 vjetori i Aviacionit Luftarak Shqiptar

Në Bazën Ajrore në Farkë u zhvillua sot ceremonia festive me rastin e 63-vjetorit të krijimit të Avi...

Kulture

QYTETARET

20 Marsi Dita Ndërkombëtare e Lumturisë

Kërkimi i lumturisë është një qëllim themelor në jetën e  njeriut Duke folur në Takimin e Nivelit të Lartë mbi temën " Lumturia dhe Mirëq...

63 vjetori i Aviacionit Luftarak Shqiptar

Aviacioni Luftarak ShqiptarNë Bazën Ajrore në Farkë u zhvillua sot ceremonia festive me rastin e 63-vjetorit të krijimit të Aviacionit Luftarak Shqiptar, sot Forca Ajrore.
Në këtë aktivitet ishin të pranishëm: zv.ministri i Mbrojtjes, Dritan Hila, shefi i Shtabit të Përgjithshëm të FA, gjeneralmajor Jeronim Bazo, komandantët e Forcave, drejtorë drejtorish në MM dhe SHPFA, veteranë të aviacionit, familjarë të dëshmorëve të Aviacionit, ushtarakë të Forcës Ajrore, si dhe të ftuar të tjerë.
Shefi i Shtabit të Përgjithshëm të FA, gjeneralmajor Jeronim Bazo, në fjalën e tij theksoi se “në rrugën e krijimit të Forcave të Armatosura shqiptare një vend të rëndësishëm ka zënë edhe Arma e Aviacionit Shqiptar. Përpjekjet e sakrificat e qindra ushtarakëve të kësaj arme për realizimin e detyrave të kryera prej saj, kanë hedhur themele të sigurta për ecjen e mëtejshme, për ruajtjen e traditave më të mira, për të çuar edhe më tej arritjet e paraardhësve dhe për të realizuar atë transformim e modernizim të kësaj arme në parametrat e kërkuara nga anëtarësimi në NATO”.
“Modernizimi i Forcës Ajrore me teknologji perëndimore, si dhe trajnimi i teknikëve dhe pilotëve në këto shkolla kanë bërë që imazhi dhe vizioni i kësaj force të ndryshojë. Blerja e helikopterëve COUGAR, 3 prej të cilëve tashmë janë pjesë e kësaj force, e bën efektivin fluturues të Forcës Ajrore të operojë me të njëjtat standarde dhe manuale si forcat e tjera ajrore anëtare të NATO-s”, nënvizoi Bazo.
Gjeneralmajor Bazo vlerësoi kontributin e çmuar që kanë dhënë edhe veteranët e Aviacionit, të cilët me punën e tyre të vyer kanë hedhur themele të sigurta për konsolidimin dhe modernizimin e Forcës Ajrore Shqiptare. “Një respekt dhe mirënjohje e veçantë shkon për Dëshmorët e Aviacionit, të cilët me përkushtimin dhe vetëmohimin e tyre, janë burim frymëzimi për mënyrën se si i duhet shërbyer atdheut”, u shpreh shefi i Shtabit të Përgjithshëm.
Në mbyllje të këtij aktiviteti zv.ministri Hila, gjeneralmajor Bazo dhe të pranishmit e tjerë ndoqën një demonstrim ajror të përgatitur nga pilotët e Bazës Ajrore Farkë, me pjesëmarrjen e helikopterëve EC-145, COUGAR, AB-205 dhe BO-105.
Aviacioni Luftarak Shqiptar është krijuar me 24 prill të vitit 1951 dhe është rritur e fuqizuar ndër vite në përshtatje me misionin dhe detyrat e caktuara. Në këto 63 vite në armën e Aviacionit kanë shërbyer me dhjetra e qindra pilotë, teknikë dhe ushtarakë të zot e të talentuar, të cilët i dhanë emër dhe krenari kësaj arme në të gjithë vendin, ndërsa 36 prej tyre kanë rënë në krye të detyrës dhe sot janë Dëshmorë të Atdheut dhe prehen në Varrezat e Dëshmorëve. Me ndryshimet e ndodhura në Forcat e Armatosura, u shtrua si nevojë e kohës modernizimi dhe zëvendësimi i teknikës lindore me atë perëndimore. Tashmë rëndësi i është kushtuar fuqizimit të Forcës Ajrore me helikopterë, kryesisht të funksioneve të kërkim-shpëtimit SAR, të transportimit të të plagosurve dhe transportimit të trupave. Forca Ajrore jep kontribut në operacione humanitare në ndihmë të njerëzve në nevojë, për transport të sëmurëve, në ndihmë të komunitetit gjatë përmbytjeve, izolimit nga dëbora etj. Forcat Ajrore po synojnë rritjen e kapaciteteve operacionale për të qenë të aftë për zhvillimin e operacioneve luftarake e jo luftarake dhe të ndërveprueshme me ushtritë aleate të NATO-s.

Në vitin 2001 erdhën helikopterët e parë AB-206, më pas AB-205, BO-105, EC-145 dhe këto vitet e fundit FA edhe 3 helikopterë shumëfunksional COUGAR, ndërsa personeli është certifikuar në akademitë perëndimore.

Ndryshimi i ligjit për ILDKP-në

Kuvendi 2Ndryshimi i ligjit për emërimin e kreut të ILDKP-së, që më herët propozohej nga Presidenti dhe votohej në Parlament, dhe tani ia jep këtë kompetencë vetëm Kuvendit ka sjellë debate në Kuvend.
Opozita tha se marrja e kompetences së Presidentit eshte shkelje e Kushtetutes, ndersa mazhoranca argumentoi se Kushtetuta eshte miratuar pothuaj 5 vjet me pare se ILDKP te krijohej si institucion dhe rregullohet me nje ligj te vitit 2003.
“Kjo kompetencë është në frymën e Kushtetutës, në frymën e ndarjes dhe kontrollit të pushteteve, në frymën e pavarësisë së tyre relative. Ai është parimi themelor i Kushtetutës dhe doni ta hiqni? Hiqeni, po ku do të përfundoni? Do ta shohim!” tha Berisha.
“Përgëzime zoti Berisha, se po përgjërohesh për një dokument, që nuk e ke votuar, për një dokument që e ke quajtur ‘leckë’. Nuk shkelet, nuk hiqet asnjë kompetencë e Presidentit, që ia ka dhënë Kushtetuta. Përgëzime për herë të dytë, zoti Berisha, se ju mbroni një ligj të vitit 2003, të cilin nuk e keni votuar këtu në Parlament, e keni kundërshtuar në vitin 2003″, tha kryetari i grupit të PS-së, Gramoz Ruçi.
“Mos përdorni këtë platformë për t’u hedhur hi syve, qytetarëve. Doni ta merrni noterin e pasurive tuaja që zgjodhi njerëz, jo me pupla, por me flatra kartmonedhash. Keni 60 milionë euro nën dyshek dhe nën jastëk. Nuk kisha dëgjuar kurrë. Unë u thoja disa eksponentëve të maxhorancës tuaj sepse bëjnë banjo në vaska floriri, kjo e tejkalon 10 herë vaskën e floririt”, tha Berisha
“Meqë i drejtohesh me maxhorancës që fle në dyshek me para, atëherë shtrohet pyetja se ku fle lepuri? Lepuri fle, se ti ke frikë, bashkë me përfaqësuesit e tu, që ky institucion, i cili ka filluar të lëvizë nga vendi, që në muajin e parë, kur ky institucion ka dy vjet që nuk ka kryer asnjë veprim”, tha Ruçi.
Debati për ILDKP-në, që bëhet vetëm nje dite pasi ky institucion beri publik akuzen per rreth 2 milionë euro te padeklaruara nga gjyqtari Gjin Gjoni, ka sjelle ne podiumin e Kuvendit, çështjen e korrupsionit të zyrtarëve të lartë.

Zv. Ambasadori Amerikan fushatë sensibilizuese për mjedisin

Henri XhardinNdërsa ideja  për të themeluar Ditën e Tokës ka ardhur  nga mjedisori Geilord Nelson, që më vonë do të ishte senatori amerikan i Uiskonsit i cili me anë të fushatave të tij sensibilizuese do të detyronte që mbrojtja e mjedisit të futej në agjendën politike kombwtare amerikane, një fushatë të tillë sensibilizuese  ku njerëzit duhet të mësojnë për mjedisin dhe si ta ruajnë atë, e ka nisur Ambasada e Shteteve të Bashkuara në vendin tonë.  Pikërisht zëvendësambasadori amerikan në Shqipëri zoti Henri Xhardin është bërë promotor i një udhëtimi me bicikleta, ku ciklistët që e shoqërojnë në rrugë , sheshe dhe  parqe të Shqipërisë po bëjnë një fushatë sensibilizuese  për një mjedis të shëndetshëm  dhe të qëndrueshëm . Nëse 22 Prilli, e njohur si Dita e Tokës shënon përvjetorin e asaj që shumë e konsiderojnë lindja e lëvizjes moderne mjedisore në vitin 1970, kjo lëvizje moderne po jetësohet edhe në Shqipëri nga zëvendësambasadori Xhardin në një lëvizje shumëdimensionale që përfshin anën sportive, mjedisore dhe nxitjen e turizmit.  Më datën 22 filloi rrugëtimi nga Shkodra e për të mbërritur ditën e sotme në Vlorë, në shkollën e mesme “Ali Demi”, ku ambasada amerikane, qendra e edukimit Social dhe Mbrojtja e Mjedisit së bashku me Qendrën Rajonale të Mjedisit, organizuan me nxënësit e kësaj shkolle vazhdimësinë e aktiviteteve kushtuar Ditës së Tokës, pra mbrojtjes mjedisore.

Celjen e aktivitetit e bëri Kreu i Edukimit Social dhe Mbrojtjes së Mjedisit, Simo Ribaj, i cili theksoi rëndësinë e kësaj dite për qytetin tonë, i cili si qytet turistik ka nevojë për një mjedis të pastër për një zhvillim të qëndrueshëm.

Zëvendësambasadori amerikan në Shqipëri zoti Henri Xhardin, i cili kishte hequr veshjen zyrtare dhe mbante atë të një ciklisti, bëri përshëndetjen e tij duke filluar në gjuhën shqipe dhe duke na bërë me dije se si kishte nisur ky rrugëtim sensibilizues për mbrojtjen e mjedisut dhe promovimin e vlerave mjedisore për turizmin.

Në këtë aktivitet përshëndeti dhe kreu i Qendrës Rajonale të Mjedisit- REC-Albania, Mihallaq Qirjo, i cili theksoi domosdoshmërinë e bashkëpunimit midis shoqërisë dhe organizatave të specializuara për mbrojtjen e mjedisit.

Më tej aktiviteti vazhdoi me mjelljen e disa luleve në kopshtin e shkollës së mesme “Ali Demi” nga  zëvendësambasadori amerikan Henri Xhardin. Në fund të aktivitetet përpara nisjes në rrugën ciklistike drejt Orikumit, pastaj Llogorasë e Bbutrinit zoti Xhardin u prononcua për mediat në lidhje me problemet mjedissore në Shqipëri dhe vecanërisht në qytetin e Vlorës. Zoti Xhardin dha mesazhin e qartë si për hapësirat e gjelbra, qoftë për bregdetin se cështjet e mjedisit janë të rëndësishme, por ato fillojnë dhe duhet të zgjidhen nga gjithsecili prej nesh.

Me zë.

A jemi të përgatitur për sezonin turistik në Vlorë ?

vlorengalartGjithmonë kemi folur për Vlorën si mbreteresha e turizmit. E këtu nuk kuptojmë vetëm turizmin e detit dhe të rërës, por dhe atë malor, kulturor e historik. Vlora është I vetmi qytet në Shqipëri që laget nga dy dete , deti Jon dhe ai Adriatik që popullohen nga një faunë dhe florë shumë e pasur. Gjiri i  Vlorës, një ndër gjiret më të bukur të Mesdheut  të mrekullon nga monumentet natyrore, nga bukuria  e natyrës bujare, nga mjedisi tundues që të josh të shkosh përherë.  Vlora është qyteti i të gjithë shqiptarëve dhe shpresojmë të bëhet dhe I europianëve, I brezave të sotëm dhe I atyre të ardhshëm.

Mëma natyrë kjo arkitekte e jashtëzakonshme e këtij qyteti I ka dhënë qytetit tonë aq shumë element saqë nëse ne jemi të zgjuar e të vëmendshëm mund ti kthejmë këto në mirëqenie. Casti për të shfrytëzuar bukurinë e deteve dhe të natyrës më shumë se cdo stinë e vitit po vjen. Për një javë futemi në muajin maj dhe fillimi I këtij muaji shënon dhe fillimin e sezonit turistik në Vlorë. Vitin e parë të mandatit të tretë, Kryetari I Bashkisë Shpëtim Gjika, ditën e celjes zyrtarisht të sezonit turistik u shpreh se “Vlora është cilësuar si mbretëresha e turizmit, titull të cilin do të vazhdojmë ta mbajmë.”

Se sa e ka mbajtur Vlora këtë titull këtë e ka treguar dhe do ta tregojë koha, jo me fjalë, por me vepra. Por nuk është koha që të bëjmë analizë për shumë gjëra.  Po I tregojmë pamjet pa koment. Tani është koha për tiu përveshur punës në të mirën e përgjithëshme si të qytetit ashtu dhe të qytetarëve.

Sa të përgatitur jemi ne për të qenë të sukseshëm e për të përballuar me standard të kënaqëshme sezonin turistik? Jemi apo nuk jemi të përgatitur për celjen e sezonit turistik? Ku janë më të theksuara mangësitë e qytetit tonë në fushën e turizmit? A kemi apo nuk e kemi ne infrastrukturën e nevoshme për këtë qëllim? Kamera e televizionit Vlora Channel sot iu drejtua qytetarëve. Le ti dëgjojmë ata me zërin e tyre.

INUK vazhdon aksionin në Qarkun e Vlorës

INUKVazhdon aksioni i prishjes së ndërtimeve pa leje në zonën bregdetare të Qarkut të Vlorës.  2 objekte të paligjshme të ndërtuara para disa vjetësh në ishujt përballë Ksamilit  janë shembur përmes shpërthimit të kontrolluar me  tritol mesditën e ditës së djeshme. Këto prishje vijojnë fill mbas atyre të kryera dhjetë ditë më parë në Dhërmi e Himarë e sidomos  në zonën e bregut të detit që u kryesuan  nga kreu I Inspektoriatit Ndërtimor Urbanistik Kombëtar Zyhdi Dajti.
Rreth orës 15.00  është dhënë komanda ZJARR për 2 shpërthimet që kanë rrafshuar këto dy ndërtime të paligshme në zonën e ishujve.  INUK  , përmes shpërthimit të kontrolluar, ka shkatërruar objektet e paligjshme që ishin ndërtuar në brezin e parë të rërës. Sic kemi vërejtur dhe herë të tjera ora 15 ka qenë e zgjedhur përherë për shpërthimet e komanduara nga INUK.

Mbas realizimit me sukses të këtyre dy shpërthimeve që me thënë të drejtën kanë shembur objekte, të cilat nuk ishin ndërtuar me beton masiv, Drejtori i Drejtorisë së Ekzekutimit të Inspektoriatit Ndërtimor Urbanistik Kombëtar Fatmir Meta, në prononcimin e tij për mediat tha se për këto lloj prishjeje banorët janë lajmëruar qysh më parë dhe se, ky është fillimi i një aksioni disaditor në qytezën e Ksamilit. Zoti Meta, në prononcimin e tij i ka quajtur shpërthimet  e komanduara për prishjen e dy objekteve të sukseshme.